對於攝影師、修圖師、數碼繪畫家來講，數碼畫板可以講係必須品，大家都好常用W字頭個啲畫板啦，今次介紹吓一款新嘅，呢款好似一般平板電腦咁大多點感觸板有二萬個感觸點，能夠感應各點嘅不同壓力，可以做到以真正毛筆去畫，有別於現時用電子筆去模擬筆觸；另外，呢塊多點感觸板仲可以配合唔同嘅版面去擴展功能，例如：電子琴件、混音控制器等，更多功能仍然構思當中，我地又一齊去聽吓設計者自己介紹啦：https://youtu.be/uU9XvOe-osE
資料來源：http://www.bomb01.com/
高空拍攝嘅方法越來越多，由最初用大型氣球、直升機至冇人飛行器……而家又有攝影風箏，呢部電動攝影風箏可以摺埋，好似一支紅酒咁上下大，帶佢周圍去真係方便到震，佢嘅操控同結構都好簡單，機體由3D打印出來，用USB裝置充電，配合體感遙控器作方向調較，拍攝器材就利用GoPro或其他action cam作拍攝，由於距離唔算遠，可以用番action cam嘅遙控同圖傳，不如一齊睇吓設計者自己講啦：https://youtu.be/aglTWdI-4Bo
資料來源：https://www.indiegogo.com/projects/fotokite-phi-tethered-uav-for-aerial-filming#/story
不定期更新器材最主要就一定係為咗更有效服務我嘅廣大客戶啦！但係都要件器材夠好玩先得個喎！我嘅器材清單之最新嘅成員就柯達呢部Action Cam PIXPRO SP360啦！
佢嘅好玩之處就係佢有一個360度全景鏡頭，能夠同一時間一次過拍攝360度視覺角度，十分合適紀錄運動時間嘅環境，尤其一啲瘋狂、激烈、大膽嘅極限運動，你絕對唔會錯過身邊任何一個情境！
我就冇玩極限運動好耐啦！不過就自拍咗條行車紀錄，大家有時間就去睇吓啦！
Kodak PIXPRO SP360 http://kodakpixpro.com/AsiaOceania/cn/cameras/actioncamera/sp360.php
GCImages YouTube ： http://youtu.be/CIhTgUOoeMI
空拍、航拍、Drone photography、Drone videography……對於我來講都係一樣，就係運用飛行器去拍攝！上個月尾，我正式購入第一部屬於自己嘅四軸飛行器，我成為飛機師啦！
早於2012年，我第一次接觸可以攜帶GoPro作拍攝用途的飛行器：DJI Phantom 1，當時我和朋友係自己貼部GoPro上部機底，將部GoPro設定做Timelapse模式，不斷影影影，之後係電腦㨂返有用嘅相出來。當時我覺得拍攝效果未如理想，所以一直冇深入研究。
後來，我知道有朋友(行家)為咗得到更佳嘅拍攝效果，不惜投資六位數嘅金錢去購入最新、載重力強嘅八軸飛行器，我當然好羨慕佢可以得到一啲極佳嘅拍攝角度啦，但要投入六位數嘅資金喎，都唔知要接幾個Job先可以搵番舊錢呀！
直至近呢兩三個月，唔同品牌嘅飛行器突然好係火山爆發咁爆出來，冇論機體大細、拍攝功能、操控模式等都各有所長，最重要係競爭大咗，價錢都相應低咗，現在一部有4K拍攝能力的四軸飛行器都係大約港幣＄10000左右，係早兩年嘅十分一喎，我點會唔心動呀，買支70-200鏡頭都唔得啦！另外，大多數機種都會配合手機APPS去擴展部機嘅功能，除咗配備電子拍攝穩定器之外，又可以拍攝RAW格式檔案，讓攝影師有更大嘅創作空間！
互聯網上有好多有關嘅論壇、專頁，大家想了解多啲就要做吓功課啦！大家有時間就去youtube睇吓我條片啦：https://youtu.be/drvNcZJ9UtM
昨日係我面書專頁出咗呢組相，跟住就好多朋友打電話來問玩槍啲嘢啦！咁我就係呢度講吓故仔啦！
我有三樣專業技能：射擊、攀石以及攝影，最初都係由玩玩吓開始，興趣越來越農之後就發展成為事業！實彈、模型氣槍、奧運十米氣手槍……基本上係香港玩到嘅射擊運動我都有玩過，持續最耐嘅係氣槍實用射擊，到現在都斷斷續續20年啦，睇住呢個運動由小眾活動到現在發展成熟，有總會及屬會制度，更加係某啲青年中心或中學都玩到，當然仲有好大嘅發展空間，但已極具規模！
講番呢輯相，係早前幫我一個朋友影嘅，因為當時佢新槍到手，我又好喜歡呢個設計及款式，咁梗係要幫支槍影啲靚相啦！打開氣槍IPSC嘅朋友都知道，呢個發射系統嘅半滑架款式係去年先開始投產，我就係等呢個款出現都等咗5年，遲啲出埋OPEN款我就會入手架啦！
現在年紀大、肚腩大，攀石就唔玩啦！都係專心Photo Shooting啦，間中都可以Photo & Shooting！
有關氣槍IPSC嘅資料：www.hksdu.com
近年有好多功能強大、介面易用嘅執相軟件都免費比網友下載使用，係真係免費喎，冇使用時限、冇鎖上任何功能，完完全全係真正免費！今日為大家介紹呢幾個！
第一個係Google嘅Photoscape，呢個軟件簡單易用，又有多國語言介面，加字、相框、簡單調色、剪裁等功能完備，仲可以轉RAW，對於一般用家已經十分夠用，其他功能請到以下連結了解，但呢個軟件只有PC版本。
第二個係Perfect Effects 9 Premium Edition，早前的版本8都已經係免費架啦，佢係一款慮鏡式效果軟件，可以獨立使用或者作為LM及PS嘅插件，效果十分好，但我個人覺得味精較重，其他功能請到以下連結了解，呢個軟件就有齊MAC及PC版本。
第三個係Polarr，佢係一款網站軟件，使用者只需要進入該網站，上載有關檔案就可以進行轉格式、調色等後製工作，介面同LR好相似，我個人覺得係好好用嘅軟件！
Photoscape：http://www.photoscape.org/ps/main/index.php
Perfect Effects 9 Premium Edition：http://www.on1.com/500px/
POLARR 2.0a：https://v2.polarr.co/
今日同大家分享一個測試，上星期我幫蘋果動新聞試用一隻快門及閃光燈觸發裝置：Nero Trigger。
佢可以用聲音、光暗、雷射等媒介引發，又可以作HDR、Timelapse控制器。對於我自己來講，最好的用途係協助我拍攝閃電，因為唔需要再靠不斷拍攝去捕捉閃電，我可以做好晒現場測光後等待閃電出現，由佢去引發相機快門，咁就方便及有效好多啦。
詳細就唔多講，大家去下面動新聞條連結睇片啦！
全文、攝錄片段及有關資料可以係以下連結睇到：
動新聞：http://hk.apple.nextmedia.com/supplement/tech/art/20150119/19005174
代理商：http://www.alpha-distribution.com.hk
新版本：http://miops.com
Pixelstick 係一套可以按程式設定去閃動嘅LED燈管，佢一方面閃動，另一方面你將佢移動，配合相機適當嘅快門及光圈設定、後簾同步閃光燈，你就可以做出以上嘅作品！
Pixelstick內置幾款簡單嘅閃動程式，多數係彩虹顏色或單色嘅簡單閃動，如果你希望創作出畫面更豐富嘅作品，你可以將一啲圖案或相片儲存係SD咭內，再插入Pixelstick嘅控制器內，佢就可以閃出該圖案，不過要注意Pixelstick嘅移動速度，不過唔難掌握，練多幾次就可以做出你心目中嘅效果！
為咗做到心目中嘅佈光，你會去到幾盡？我就研發出自己嘅工具！
當我計劃點樣完善及輕量化 DIY IceLight Mark II 嘅時間，我諗起有一位朋友正不斷研發3D打印技術，今次DIY IceLight 計劃我地一拍即合，短短一星期已經完成2.0版本。
大家要明白，一件產品係開發期間要不斷修正、完善，現在利用3D打印技術去協助研發，可以話係大大大大大大縮短研發嘅時間，對放我呢類時時DIY嘅人來講，更加係將我嘅意念變成實體，將我嘅小宇宙無限擴大！
現時呢個2.0版本嘅DIY IceLight，以手柄型式使用，可以按需要更換不長短嘅LED光管，2.1版本會好快完成，到時會更輕巧、美觀，我打算比各方好友預訂，以成本價賣比各位，有興趣嘅朋友就聯絡我啦！
特別嗚謝：攝影師、天文學家、產品設計師 — Mew Chu
而家真係咩都有得遙控，好似我地飛燈咁，無線引閃可以分組設定輸出力度，擺好晒位置之後可以係控制器設定晒，唔洗走來走去續支燈set，方便又快捷。
Panlight 出現之後，連方向都可以遙控埋，佢可以比你插支閃燈上去，之後你可以用遙控調整方燈頭嘅方向同角度，對於要調整個啲set得比較遠嘅閃燈真係好方便，但要注意喎，佢只可以調整方向及角度，係唔可以調整高低、遠近或左右嘅！Panlight 係用2A電芯推動，可以安裝係普通腳架或燈腳。
另一個用法係裝部相機上去，咁就可以遙控相機嘅拍攝角度啦，我覺得呢個用法比較啱我，因為我好多時要拍攝一啲全景相，如果我將個相機set係一支4米高嘅燈架上，要調整上下角度個時要降低晒成支燈架先可以調整到，但如果有Panlight的話就方便好多啦！我嘅資料來自以下連結，大家有可以去了解吓佢啦： https://www.kickstarter.com/projects/1691789323/panlight-remote-direction-control-for-flash-and-ca?ref=category
光影生活 